الوطن والروح الإتنين
متعشقين ف الجسد ومتبتين
فين مش عارفين ؟ ؟
تايهين ف صحرا فدادين
وسراب ليه مشتاقين
وأرض بيضا وطين
موجودين كما القمروالشمس
ف الفضا منورين
كما النخيل ف جناين الطيبين
وأنت ياقلبي تايه فين ؟؟
تدقدق وراهم !!
تركض كما الخيل
جرحك صهيل !
وفرحك دليل!
وأنين أم فوق الجبال
هي دفاي ولحافي
يا أمي لا تخافي :
أنا لا جعان ولا حافي
ولا عطشان ولا جافي
جايلك بسلاحي
أحميكي .. وأشيلك علي اكتافي
أنور ليلك الطافي !
وأزرع دهبك بكفاحي !
سنابل اللقاتطرح !
وفرحنا يملا المطرح
ويصبح نيلك صافي
كما لبن الأم الدافي
رضعناه صغيرين
ممزوج وفا وحنين
بقلم / ياسر العموري
