الرئيسية » » قسوة رجل | يوسف الحمله

قسوة رجل | يوسف الحمله

Written By Unknown on الخميس، 4 يونيو 2015 | 11:17 م

قسوة رجل
******************
( من عجائب البشر )
باعت شعرها عليه
ووقفت جنبه في أزماته
وضحت بأغلي ماليها
وكملت الناقص في حياته
وعملت منه رااااجل كبير
وعوضته عن كل مافاته
وبدلت أحزانه بالفرح
ونساته ألالام الجرح
لكن ياخساره
لما قوي وريشة إتنفش
بان علي وشه الشكل العفش
وشويه شويه إتغير
وبقا يجري
ورا اللي لابسه قصير
مع إن رجله والقبر
وفاكر نفسه لسه صغير
ويرجع كل ليله وش الفجر
واما تعاتبه
تسمع منه أرداء كلام
لا ويمد إيدو عليها
وفاكر نفسه إنه تمام
ياعم فوق الله يخليك
إنت بتقتل أغلى ماليك
ليه خدتها ورده مفتحه
وسيبتها دبلت بين إيديك
ياعم فوق حرام عليك
هيا وأولادك أولا بيك
إزاي بتإسا على إنسانه
طول عمرها خدامه ليك
لو مش قادر على مصروفها
وكسوتها وأكلها
كنت سيبها في بيت أبوها
بمجدها وعزها
ولو فاكر إنك إشترتها
علشان تزلها
يبقى انت والله ماتستحق
ضوفر رجلها
المرأة في الدنيا رحمه
وورده بنشمها
مش نقطوفها ونرميها
وهيا وحظها
والطاعه مش كده
والعشره مش كده
ولو كانت كده
يبقى الحيوان أفضل
من إنسان بالشكل ده
وربنا يهدى الجميع

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.