( المواطنة والانتماء )
************
أجمل ما يمكن شئ ممكن
تعمله وتعمله
وأسوأ ما يمكن شئ لا يمكن
تعمله وتعمله
عشق البلد سر الحياة
حضن البلد طوق النجاة
حلو الرضا ٠٠٠ حلو العطا
حلو الكلام بس ياريتنا نفعله
#عندي ليكم حكاية ٠٠٠
حكاية ولد إسمه ربيع
قالوا إتولد في الربيع
واما نداه السفر
لبى الندا وماانتظر
وراح هناك وعاش
بين ناس متتقراش
وشوفو جراله ايه
##عاد ربيع للخريف
وإيمانه أصبح ضعيف
والدنيا في عيونه زيف
وقلبه الأخضر حجر
زرعوا الغضب جواه
ضد العرب ياولاه
ومات ربيع ومعاه
ضحايا من البشر
وأدي حكاية ربيع
والمطلوب م الجميع
بإيد واحده نداوي
نداوي إللي إنكسر
ونعلمو أبنائنا معنى الانتماء
( في مهد الطفولة )
ده التعليم في الصغر
ك النقش على الحجر
والتعليم في الكبر
ك النقش فوق الماء
