جبروت إمرأة ؟؟؟
………………………
إرتحتي خلاص
وبردت نارك
وقتلتيه
وطفيتي نهارك
بجد برافو تستاهلي نيشان
وده كله ليه
وعشان ايه
علشان شوية حجارة وحيطان
تموتي بايدك أغلى إنسان
كان في يوم حبيبك
كان لجراحك طبيبك
وصابر على أكاذيبك
وحافظ سرك وعيبك
اللي إنتي بايديكي كشفتيه
صحيح طمع النفوس ألوان
فيه اللي بيطمع في لؤلؤ ومرجان
وفيه اللي بيطمع في مغفرة من الرحمن
وفيه وفيه وفيه
وإنتي طمعتي في ايه ؟؟؟؟؟
في شوية حجارة وطوب وحيطان
كان نفسي طمعك يبقى غالي
علي قدر غالوة الانسان
لكن انتي عشان رخيصة
طمعك كان زيك رخيص
بس الحياة داين تُدان
وكمان
هتروحي فين من الديان
هتروحي فين من الديان
هتروحي فين من الديان
