* قمرة ومتخبى ضيها ..!! ـــ
ـــــــــــــــــــــــــــ
القمرة طالعة ومتخبى ضيها ..!!
ياليل السهر تعبنى حبها ,,
أنا الحيران ومستنى حسنها
وأنا الولهان ..و جمرى قايد
أهرب من ناره ودخانه
ألاقى شوقه لقلبى صايد
والقلب مسجون ف هواه وألحانه
ويشتاق لعذابه وآلامه ,
وأنا العطشان.. و عطشى زايد
لا أرتويت من الامان
ولا شبعت من القصايد .
عطش العاشقين ..
ف صحرا الأنين
أهرب من السراب
وأشيل على كتفى التراب
وأحفر بير بالصبر والعذاب
آ
الاقى تايهين ,,!!
والاقى حاقدين ..!!
والاقى منسدين ,,!!
وبإسم الضى المخنوق
وبإسم الأمل المسروق
تكتر الأسامى وتتبعتر
وتطلع الميه وتروق
ويضحك الضى
ويقول
دا القمر كان مخنوق
