الرئيسية » » أبوفصاده الحكيم | يوسف الحمله

أبوفصاده الحكيم | يوسف الحمله

Written By Unknown on الخميس، 23 يوليو 2015 | 11:42 ص

أبوفصاده الحكيم

......…………

وأنا قاعد فى غرفتى لوحدى

دخل عليا أبوفصاده بعراقيبو

وقالى . . . . .

مالك قاعد لوحدك ليه

قولتله . . . . .

سيبنى فى حالى الله يخليك

قالى . . . . .

إنسىَ وإبعد عن الهم وسيبو

قولتله . . . . .

ياابوفصاده كل ماأحب واحده

تخدعنى وتوجعنى

قالى . . . . .

إنتوا كده ياشباب النهارده بتخيبو

وبتيأسو بسرعه من أول جرعه

بقا هو ده الشباب وهو ده عيبو

قولتله . . . . .

ياأبوفصاده

كل شئ وله طاقه

قالى . . . . .

إتعلم الصبر منى

لو سمعت لكلام الناس

وهىَ بتضحك على عراقيبى

كنت زمانى عيشت كسيح وطريح العش

وقاعد لوحدى لا بهش ولا بنش

أنا دلوقتى بلقط رزقى من أرض الله

والعراقيب إللى شيلانى ومتحملانى

كل يوم بغسلها وبشكرها

مش أرحم من قعدتى فى العش

وأرحم من الجوع وزعابيبو

قوم ياراجل واخرج للحياة

ولاد الحلال ياما

وإمشى فى أرض الله

من غير عظمه وأياما

مش كل حب إنتهىَ

هتقوم عشانه القيامه

قولتله . . . . .

ياابوفصاده

الله مايقطعلك عاده

ومايجعلنى أسير الوحده والبجامه



التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.