ألَّا البلد على حِسُّكوا أخبارها إيه؟
من عمر فات ما حضنتهاش
إشتقت قد الشوق لحضن الأمهات
للضحكة ع اللى ما يستاهلش
أتلكك الضحكة .....
وارتاح لرنتها ولو ماضحكتهاش
هى البلد على حِسكوا ....
لساها فاكرة ضحكتى؟
أبداً....
ما اظنش
كُتر الدموع ...
كُتر الدِما.....
كُتر الزعيق
خلوها تِعْتَر ف الخُطا
وتخاف لا تدهس لحمنا
وحشتنى/من غير ما استعد لحد يوحشنى
حتى المدينة اللؤلؤة
اللى زى خلخال البنات لحظة دلع
مابقيتش عارف شكلها
يوماتى بتغير ملامح طلعة الشمس بعناد
سَمَحِتْ لصوت البوم يدندن بالغُنا
وجرَّمِت من أنكره
ما أجمل التغريد ولو كان ضد قوانين البشر
ضد قوانين المدينة الزائفة
ما أجمله
ألا البلد على حِسكوا
لسة الغوانى فيها ماشين ف الدِرا؟
ولا ذروة إنتشاهم
خلِّت المعظم نُخب؟
لسه صحيح الإمَّعَ ....هتيف زمان
منبوذ مع كلاب السكك؟
ولا زعيم ...له إتجاه
بيحرك الناس بالخُطب؟
والأصدقاء....
لسه نفس الأصدقاء
ولا خلاص إتغيروا....؟
اللى وصلنى ان المشايخ كلهم
بقوا كدابين
وان الفتاوى ما تتاخدش بشكلها
والأغلبية مش كتير
الأغلبية /قليِّلين
هى البلد على حِسكوا
لساها بتحب الصباح؟؟؟
ولا النهار كَسِّل يمَلِّسْ بالضيا على أهلها؟؟
وساب خناجر ضلمة الأمس الكئيب
ترسم ملامح مرعبة
على الوجوه....وع القيم؟؟
ويعيد خرايط إنتشار
سِمّْ الأفاعى ف العروق
ويعلم البنت /المدينة اللؤلؤة
معنى الألم
من عمر فات ما حضنتهاش
إشتقت قد الشوق لحضن الأمهات
للضحكة ع اللى ما يستاهلش
أتلكك الضحكة .....
وارتاح لرنتها ولو ماضحكتهاش
هى البلد على حِسكوا ....
لساها فاكرة ضحكتى؟
أبداً....
ما اظنش
كُتر الدموع ...
كُتر الدِما.....
كُتر الزعيق
خلوها تِعْتَر ف الخُطا
وتخاف لا تدهس لحمنا
وحشتنى/من غير ما استعد لحد يوحشنى
حتى المدينة اللؤلؤة
اللى زى خلخال البنات لحظة دلع
مابقيتش عارف شكلها
يوماتى بتغير ملامح طلعة الشمس بعناد
سَمَحِتْ لصوت البوم يدندن بالغُنا
وجرَّمِت من أنكره
ما أجمل التغريد ولو كان ضد قوانين البشر
ضد قوانين المدينة الزائفة
ما أجمله
ألا البلد على حِسكوا
لسة الغوانى فيها ماشين ف الدِرا؟
ولا ذروة إنتشاهم
خلِّت المعظم نُخب؟
لسه صحيح الإمَّعَ ....هتيف زمان
منبوذ مع كلاب السكك؟
ولا زعيم ...له إتجاه
بيحرك الناس بالخُطب؟
والأصدقاء....
لسه نفس الأصدقاء
ولا خلاص إتغيروا....؟
اللى وصلنى ان المشايخ كلهم
بقوا كدابين
وان الفتاوى ما تتاخدش بشكلها
والأغلبية مش كتير
الأغلبية /قليِّلين
هى البلد على حِسكوا
لساها بتحب الصباح؟؟؟
ولا النهار كَسِّل يمَلِّسْ بالضيا على أهلها؟؟
وساب خناجر ضلمة الأمس الكئيب
ترسم ملامح مرعبة
على الوجوه....وع القيم؟؟
ويعيد خرايط إنتشار
سِمّْ الأفاعى ف العروق
ويعلم البنت /المدينة اللؤلؤة
معنى الألم
