( زواج الأقارب )
***************
#جالك قلب تحرقي جواباتي
ولا تسمي ؟؟!!!
حد يلاقي الحب الصادق
ويحرقه يابنت عمي ؟؟!!!
مين في الزمن ده
قادر يلاقي الحب ومحبش ؟
ومين خالي القلب ومطبش ؟
ومين غرق بالحنين ومقبش ؟
ومين ما يتمناش يعيش حلمي ؟
قوليلي مين يا بنت عمي ؟؟؟؟
#لماقالولي خود بنت عمك
وإتغطا إنت وهيي بكمك
جريت ومفكرتش
وإتقدمت ومسألتش
ولا حتى إتسألت
وجاني الرد بالموافقة
مبروك إنت إتقبلت
وعيشت يومين في الحنين لا
ده أكتر من شهرين عيشت
وكلام جميل ياما قلت
وأيادي نعمه ياما لمست
ونظرات م العين للعين إتبدلت
وأهات من جوه القلب شهقت
وبعد ده كله معرفش إزاي
في يوم وليلة وبقدرة قادر
( إتلخلخت )
وبكل بساطة وسهولة إنقلعت
وأنا اللي كنت فاكر نفسي
( خلاص تَبت )
#آآ آ آ آ آ ه
داخلو على بلحم البط
بكلمة yas مش No أو wat
وجرجروني في كام سؤال
وفرشولي الأرض ورد ورمال
وأنا من طيبتي بنيت قصور
أتاريهم كانوا البحر والشط
إتهدت القصور
والقلب صار مكسور
والحلم اللي حلمت بيه
هرب ونط السور ٠٠٠ وفط
وأنا من زهقي
خايف ألعن أكل البط
لإني بحب أكل البط
أنا كلامي مش كلام مهاويس
دانا عندي نصيحة لكل عريس
إوعاك تاكل في بيت خطيبتك بط
حتى لو كنت بتحب أكل البط
لا هيطلع عليك كوابيس
وهتقع في نفس الخط
كُلها بملح وعيش بكرامتك
ولا تتهاون مره في قيمتك
لاتلاقي نفسك يادوب ديكور
ينشال من هنا وهنا ينحط
وشوفلك بردو بنت جميله
تكون متربيه ومن عيله
وسيبك بقى من شغل العط
وسيبك بقى من شغل العط
وسيبك بقى من شغل العط
