فوقو يامصريين
-----------------------
إستُشهد صايم عود الياسمين
وأحنا لسه ياناس ساكتين
لما يموت مننا ملايين
ياعالم قوموا وإنهضو
بالشكل ده مش عايشين
طول ماعايشه مابينا التعابين
فوقو قبل فوات الأوان
وإرحمو الارامل والثكالى التعبانين
عمالين نكتب في شعر وأغاني
وأحنا جنودنا على الحدود مسحولين
وكمان بتتكلمو عن المُصالحه
قولولي بس مُصالحة مع مين ؟؟
مع الشياطين!!!
مع المُلحدين!!!
مع المارقين!!!
مع الخائنين!!!
يقتلو أولادنا
وتقولو نتصالح!!!
ويرملو نسائنا
ويحرقو بلدنا
وتقولو نتصالح!!!
بالذمه ده مش كلام
بقى ماسخ وكالح
ملعون أبو المُصالحة
وملعون أبو المصالح
اللي تيجي على حساب
الورد اللي لساه طارح
واللي نوره إنطفي بخِنجر
مسموم في ضهر المصريين
مين مننا مابينمش حزين
إلا أبو قلب إسود
اللي شفت في عنيه الشماتة
اللي إتعود طول حياته ع الشحاتة
اللي باع وطنه ونشف وشه
ولا فكر حتى في يوم الدين
يااخونا ليه سايبين مابينا مُلحدين ؟؟
إذا كانت قلوبهم أشد من الحجارة
هايبقو علينا أية ( حنينين ؟؟؟!!!)
ياعالم فوقو
حد يتصالح مع تجار الدين
لما الشهيد يسألنا
أنا دمي في رقبة مين ؟؟
هنقوله ايه ؟؟
وهنأجلو الإجابه لأمتي ؟؟
لما يجاوب عننا الجَنين !!!!!
فوقو يامصريين
فوقو يامصريين
فوقو يامصريين
